ASTRAEA

I.

ASTRAEA

Astraei, Arcadiae Regis (quidam scribunt Titani fratris Saturni) et Aurorae, sive, ut Hesiodus, et alii volunt, Iovis ac Themidis Caelô et Terrâ prognatae filia; ob aequitatem suam Iustitia dicta. Qoae aureô saeculô a caelis in terram migrâsse, et tandem in subsequenti aereo et ferreo, vitiis hominum crescentibus offensa, in caelum iterum subvolâsse, ibi Zodiaco inserta, Virginis nomine, fingitur. Hesiodi Theog. Ovid. Met. l. 1. fab. 4. v. 149.

---- Et Virgo caede madentes

Ultima caelestum terras Astraea reliquit.

Seneca in Octavia, Actu 2. v. 422.

Neglecta terras fugit, et mores feros

Hominum, et cruentâ caede pollutas manus

Astraea Virgo, siderum magnum decus.

Aratus in Phaenomenis:

Α᾿μφοτέροισι δὲ ποςςὶν ὑποσκέψαιο Βοώτου

Παρθένον, ἥ ῤ εν χερσὶ φέρει ςτάχυν αἰγλήεντα.

Εἶτ᾿ οὖν Α᾿ςτραίου κείνη γένος ῾ὃν ῥά τέ φασιν

Α῎ςτρων ἀρχαίων πατέῤ ἕμμεναἰ ἐί τέ τευ ἄλλου,

Εὔκηλος φορέοιτο. Λόγος γε μὲν εντρέχει ἄλλος

Α᾿νθρώποις, ὡς δῆθεν. ἐπιχθονίη πάρος ἦεν,

Η῎ρχετο δ᾿ ἀνθρώπων κατεναντίη, οὐδέποτ᾿ ἀνδρῶν,

Ο᾿υδέποτ᾿ ἀρχαίων ἠνήνατο φῦλα γυναικῶν,

Α᾿λλ´ ἀναμὶξ ενάθητο, καὶ ἀθαναίτη περ ἐοῦσα.

Καί ἑ Δίκην καλέεσκον.

Et postea,

Α᾿λλ᾿ ὅτε δὴ κακεῖνοι ἐτἕθνασαν, οἱ δ᾿ ἐγένοντο,

Χαλκείη γενεὴ, προτέρων ὀλοώτεροι ἄνδρις,

Οἱ πρῶτοι κακόεργον ἐχαλκεὐσαντο μάχαιραν

Εἰνοδίην, πρῶτοι δὲ βοῶν ἐπάσαντ᾿ ἀροτήρων,

Καὶ τότε μισήσασα Δίκη κείνων γένος ἀνδρῶν;

Ε῎πταθ᾿ ὑπουρανίη, ταύτην δ᾿ ἄρα νάςςατο χώραν

Η῟χί περ εννυχίη ἔτι φαίνεται ἀνθρώποισι.

Haec dem scribo, veniunt mihi in mentem versus Catulli Epigr. 65. v. 764. quos proculdubio cum faceret, Arati locum praedictum ante oculos habuit. Sunt autem tales:

Praesentes namque ante domos invisere castas

Saepius, et sese mortali ostendere coetu

Caelicolae, nondum spretâ pietate solebant.

saepe Pater Divûm templo in fulgente revisens,

Annua dum festis venissent sacra diebus,

Conspexit terrâ Cretum procurrere currus.

Saepe vagus Liber parnassi e vertice summo

Thyadas effusis evantes crinibus egit, etc.

Soepe in letifero belli certamine Mavors,

Aut rapidi Tritonis hera, aut Rhamnusia virgo

Armatas hominum est praesens hortara catervas.

Sed postquam tellus scelere est imbuta nefandô,

Iustitiamque omnes cupida de mente fugârunt,

Perfudêre manus fraternô sanguine fratres,

Destitit exstinctos natus lugere parentes,

Optavit genitor primaevi funera nati

Liber, ut innuptae potiretur flore novercae,

Ignaro mater substernens se impia nato,

Impia non verita est Divos scelerare penates.

Omnia fanda, nefanda malô permista furore,

Iustisicam nobis mentem avertêre Deorum.

Quare nec tales dignantur visere coetus,

Nec se contingi patiuntur lumine clarô,

Nic. Lloydius.

II.

ASTRAEA

civitas Illyriae. Steph.